بوعريشة كريمة

قصيده بعنوان.
(كلمة.؟!!!)
ممكن فى الهلاك
ترميك فيه
وتودى.
كلمة  بإحساس.
وشعور.
فى أحلك
ظروفك
رغم الخصام
البعاد والهجر
تطيب خاطرك
  تراضى وتهدى. 
وكلمة من القلب
لما حبيبك
يوجعك بيها
كما الصوط
على ظهرك
بكلامة الفظ.
الغليظ البارد
ممكن تمرقها
تنطشها
تعدى.
تتألم صحيح
بعديها.
ماهو كل يوم منها
ألف كلمة بيقولها.
خلاص تعودناه.
أو تكدب على
نفسك وتقول
كلام مزح
مش جدى.
كلمة.
جايز تقولها من
غير قصد.
ونيتك عالم بيها
مولاك يفهمك.
صاحبك غلط.
يفتكرك
ندى.
مع إنك فى الحالتين.
طيب ومسكين.
كريم
لابخيل ولا
مادى.
راضى بإل المكتوب.
طاهر ديما
نظيف ومتوضى.
كلمة.
قالها حبيبك
كلمة بحنان
ولطف وبسمه
أو ضحكه حلوه
تريح الغل
إل فيك.
تبل ريقك
الناشف يخلي
فجرك نسيم
وصبحك
متندى.
تسرح على
عملك نشيط.
كأنك مالك الدنيا
تحفر بإيديك
شقوق الأرض
تحرثها.
بتحدي.
كلمة من حبيبك
تمنتها منه
زمان  يقولها
تشفى علة.
كانت فيك
جواك تسكن
قلبك تفرفشه
وتنعشه وتحييه
بعد موت
يورد ويزهزه
يضرب جذور
تانى فى عمق
الروح جوا
الجسد يخضر
وينعنع.
دا كلام
قلبى لاكلام
قاله لسانى
خارج منى. 
ولاردى.
كلمة تسكن
الألم مضاد
حيوي علاج
مش  ضدى.
وآه لوقالها
بغمزة عينيه.
الجميلة.
كلمة واحده
تداوي الفؤاد.
من الأنين
وتقضى.
كلمة.
متغمسه بغنج
وود وشوق
ودلال.
طعمها سكر
تنزل فى جوفى
تشبعنى.
لا أنا أصد
وتصدي.
كلمة ممكن
أسامحك فيها
إلا الخيانه
أتحملها لو فيك
كل العبر
فاهمه لو فيك
كل العبر
لا أشد
وتشدي.
( كلمة ؟!!!!)
4/2/2021
ترنيمات وخواطر.بقلم)
خيرى حسنى..............)

قصيده بعنوان
(وأصبرت؟!)
وأصبرت على
الغربه.
وأدينا صابرينا.
هايجى يوم نرتاح
منها بعد آلامها
مش عارفين.
دا شئ يعلموا
ربى ومتقدر.
طريق نمشيه.
فى حياتنا.
من سنين.
مكتوب فى كتاب.
منذ ولادتنا.
وعلى جبين.
لازم نشوفوا
وتكون لينا رؤيا.
ولازم تشوفوا عين.
وإصبرت على
الغربه وأدينا
صابرينا.
لكن والله صبرنا
طول وكبرنا.
وشعرنا شاب.
وكست تجاعيد
على البشره.
وبالعين  الملح
فى الحلق.
وكمان ديقين من
المر مرين.
ومتحمل.
ومتحمل.
وقالوا لي
أسكت والله
العظيم ساكتين.
لا بنقدم ولا نأخر.
كما الآله فى المصنع.
وأشد فى تشغيلها
مش مره
مرتين.
وبحاول أريح
نفسى بكام.
كلمه مع واحده
حبتها عشان
أصبر على الغلب.
لكن هي ببرودها
قفلا ودنها
من طين.
ولوحدى مع
الوحده صحبا.
لحد ما ملت.
منى فا بتجدد
وبغير جلد مش
جلدى.
وأتحول.
لكن القلب هو
مازال قلب
حنين طيب
ومسكين. 
وأدينى صابر.
واصبرنا
لكن يا خساره
إل حبيتهم
من جوا
قلبى.
مش عارفين.
كدا إيه.
تعبى وعذابى
وآلامى وكسرت
ضهرى إل وجعانى
وألمانى وبعافر
وبقوم أمشى.
وأعض بإسنانى.
على إيدى.
وأتعذب وبسمه
مرسومه على
وجهى.
وأطمن نفسى.
لنفسى وأقول.
ليها بكره هاتفرج.
مش جايز.
يكون بكره.
إل منتظره.
يكون أحلى.
من إنمبارح.
لكن يا خوفى.
ليكون عدى
قطار العمر.
علينا ومش
لاحقين.
وأصبرت على
الغربه وأدينا
صابرين.؟!!)
12/2/2021
ترنيمات .وخواطر.بقلم)
خيرى حسنى...............)

قصيده بعنوان
(أمشى.؟!)
على درب.
حافي القدم
مليه الشوك
وجواي.
آهات وأنين
بالقلب.
وتنهيده.
بتطلع تشرخ
الصدر.
تألم وتوجع.
وإحساس وشعور
بداخلي  بيقول
إن كل الناس.
بآهاتى تسمع.
ماهي طلعه
مثل صوت.
البرق تدوى.
فى السما.
ومنين أجيب.
دوا للقلب.
يشفى وينفع.
حبيب يطبطب
يطبب ويداوى
جروحي.
يمسح دمعه
تذرف من
عيني.
يطمنى يقول لي.
أنا لك وقلبى
وصدرى.
يحضنك أوسع.
وأرتاح وأنام.
وأغفو وأتنفس.
هواء نضيف.
ويسقينى بإيديه
عسل يسكرنى.
أشرب وأرتوي
وأشبع.
أمشي.
على درب.
على مدي الشوف
ألاقيه بيضيق
أتخنق ويضيق
وأتخنق ويضيق
وهناك.
من بعيد أشوف
فى وسط
غيمه سوده
معتمه.
نجم فى
نص الليل يلمع.
وشمس الصبح
مزهزها
بنورها ومشرقه
وأسطع.
معقول أبات
وأصحى.
ألاقينى مش
أنا وكل إل
كان بيألمنى
ويوجعنى إنتهي
وشقشق الفجر.
الجديد بدرى
وأينع.
وغنت العصافير.
وزقزقت.
وكان لها شباك.
حجرتى.
مأوى ومرتع.
وحبيبتي مش
هي إل كانت.
حبيبتى غير
كل النساء.
حبيبه حنينه.
وطيبه ورقيقه
وأجدع.
وعقلي يدور.
ويدور ويفتش.
على ذكرى.
مركونه فى
الماضى.
ويعترينى الخوف.
من بكره.
وأنظر فى مرايه
مكسوره
وصوره مهزوزه.
فى وجه إكتسى
بتجاعيده.
وشعر أبيض
وأصلع.
وأروح لهناك.
لبعيد وأعود.
وتمتمات فى
حلقى وكلمه
بصوت مبحوح
سبحان الله
فى ملكوته
سبحان من قدر
وقضى وكتب
وأبدع.
15/2/2021
ترنيمات وخواطر.بقلم)
خيرى حسنى..............)

قصيده بعنوان
(يا أبا يا حبيبى؟!)
خلاص نويت.
بتجهز نفسك.
للرحيل.
هاتمشى زعلان
مننا......
ومن الدنيا
إل ماخدت
منها غيرمرض
وجسمك هزيل.
خلاص ماعنتش
عارف أكلمك.
أسمع صوتك
وحشنى.
ولا أصبح
صوتك عليل.
طيب مين بعدك
هايكون وكيل
فى زواج البنات.
دا كان آخر طلب
لي عندك.
يا سيدي وهايكون
فى رقبتى
جميل.
دولقتى أصبح
مستحيل.
خلاص رجليك
معدتش بتحملك
وعاد حملك يا أبا
شيل.
يلعن أبوكى
يا دنيا فانيا.
ماأخدنا منك
غير غربه
وعويل.
أنا أتصلت بيك
إمبارح تليفونك
رن ألف رنه
فى قلبى
إنتظرت تقول
ألوو ألوو ألوو
كنت أسمعك.
لكن بحب
أسمع ألوو منك
ليها وقع تانى.
عندى مين
غيرك هايصبرنى
على غربتى المره
مين غيرك هايقوينى
فى محنتى.
إنت عارف أنا
دلوقتى إيه
وأنا بكتب لك
قصيدتى.
والله كلام مايكفى
دموع على
عيني شلال
على خدودى
بيكوي.
فى نهار وليل.
آه يا ألف
وجعي وجع
قلبى عليك
أقسم بالله
قليل.
إنت راضي عنى
إنت راضي عنى.
قول قبل مايكون
الوداع الأخير.
من هنا من غربتى
بأبعت لك سلامى
مع كل نسمه
مارقه معديه
عليك مش هو
ختامى سلام
سلام من أعماقى.
سلام مجروح
بيشق صدرى
شق لي شوق
ووحشه ليك
كتيره عندي
سلام يا غالي
يا أحن أب
فى الوجود
من جوايا عمره
موصول بعمرى
ما هاينقطع.
مش محتاج
دليل.
خلاص يا ابا
نويت للرحيل.
5/3/2021
ترنيمات وخواطر. بقلم)
خيرى حسنى...............)

قصيده بعنوان
(أمى.........؟!)
من مثل أمى.
أمى الوجود
أمى البقاء
أمى التفانى
وأيضا تمنى.
حياتى وروحى.
وقلبى حين
ينبض.
كأنه يتمتم.
إبتهالا.
بأسمها وكأني.
ومن فى
الوجود يكون
مثل أمى.
سمحة وطيبة
وحنان رؤوم.
قل كما تشاء.
لا تمل لها
لحنا جميل.
إليها وغنى.
قل يا فؤادى.
وأكتب يا قلمى.
شعرا رقيق
الحروف.
من نبع فيضك
وزيده بلاغة
وسجعا وجرس
وموسيقا.
فليس رياء.
وليس تجنى.
شمس هى.
بل أراها.
قمر منير.
وكوكب يحيطنى.
وحضن يضمنى.
طفل مازلت
أحبو إليها.
رغم شيب
شعري ورغم
كبر سنى.
ومن عينى تراه.
مثقال ذرة.
يشبهها فى
ولاءها وعطاءها.
وجودها وكرمها.
وسخاءها.
أقسم بربى.
لا أنس أو
حتى جنى.
أمى.
رضاك من رضا
ربى.
يا شريانا
ووريدا.
فى قلبى
بدمه يصلك.
وبدمك يصلنى.
ياعطرا يفوح.
ودعوه فى
صلاتك لأجلي.
تعنى.
يا أصلى فى
الحياة.
يا طوق النجاة.
أمدك الله
عمرا وصحه.
وإن إحتجتى.
عمرى خذيه.
رغم أنفى.
يا أغلى مني
مني.
ومن فى الوجود.
يكون مثل
أمي.
لا أبن ولا بنت
ولازوجه.
كيف وهي.
حبل سرى.
ورحم وثدي.
أرضعنى.
ويدا حملت
وداوت وسهرت.
ليالي تحمينى.
وتصنى.
ومن مثل
أمى.
23/3/2021
ترنيمات وخواطر.بقلم)
خيرى حسنى..............)

قصيده بعنوان
(أنا عارف.؟!)
ومش ناسى. 
إننا فى العشره
ما بينا مشتركين.
وأخدنا عهد
مع بعضنا ومتوثق
على إيد مأذون.
وعلى كتاب ربنا
حلفين.
وقرأنا فاتحة الكتاب.
على الحلوه والمره.
وبعدها أمين.
وحطيت
إيدى بإيدك.
وقولنا بصوت.
واحد متفقين.
ومشيت معاك.
على الصراط
المستقيم.
وعطيتك قلبى
وروحى وكلي.
والباقى منى.
وياريت خالصين.
بعد المنهاده
والمعاتبه.
والمعافره.
ووجع القلب.
والهم والنكد. 
قولنا وقالوا
وشد وجزب
وصد ورد
وفين ومين
يوميها.
نمنا مع بعضنا
على الفرشه.
متخاصمين.
مع إننا واخدين
عهد متوثق
شاهد عليه ربنا
ومأذون وأبوي
وأبوك عارفين.
بإن. 
الحب والوده.
والكلمه الطيبه.
تدوم بينا.
وحاولت أصالحك.
ونتجاذب سوى
أطراف الحديث.
ليلة الأتنين
سنة.
ألفين قلتى.
ساعتها بعدين.
مع إنى كنت
محتاج حضن
حنين يضمنى
وإيد تطبطب.
مش ترفعى
حاجبين.
وحاولت
أقدم ليكى
إعتذارى.
وأصفي قلبى.
ونيتى.
وقولت يا ست
الكل أسفين.
لا ضحكتى ولا
إتبسمتى.
ووجهك مكشر.
عليها غضب
ربنا كأنه متركب
خشب.
ولا حركت فيك
ساكنا وكان.
بوزك يادوب.
شبرين.
سألت نفسى.
سؤال معقول.
يعدى العمر
كدا هدر.
ولا هي الحياة
بالشكل دا
وإحنا مش.
حاسين.
17/3/2021
ترنيمات وخواطر.بقلم)
خيرى حسنى..............)

قصيده بعنوان
(حبيبتى. ؟!)
خوفى منك مش
صدود.
أو عزوف.
أو جحود.
أو لإنك سيئه
فى الردود.
خوفى منك.
لما تعندى.
ترمى فى كلامك
طلق وبارود.
خوفى منك.
إنك عنيده.
وعن قلبى
وحبى.
وعشقى.
ديما بعيده
خوفى منك.
مش سعاده.
أو تعاسه.
أو بلاقى منك.
تياسه.
أو برود.
خوفى منك.
إحتمال.
يكون هجران.
للفضيله.
والجميله. 
وللعشره نكران.
أنا كلامى جد
جدا لا أنا مغيب.
أو سكران.
أو بي مس
جن أو بعقلى.
هزيان.
وكلوا ثابت
بالشهود.
أنا صحيح.
واحد  فلاتى.
بس باقى.
على عهدى.
لا يمكن أخونك. 
وإن كنت جايز
أخلف بالوعود.
وعودك مش.
سلاسل فى.
إيدي أو قيود. 
ممكن أرمى كلمه
ما كنش قاصد.
صحيح  بتجرح.
لكن سهل جدا.
إنك تسامحى.
وتعفى العفو.
طبع الأنبياء.
والصدقين.
طبع النساء.
الطيبين.
الحالمين.
لا الغاضبين.
خوفى.
منك يا حبيبتى.
إنك حبيبتى.
وإنك عشيقتى.
وإنك أول وآخر.
حب لي.
أو بدايته
ولنهايته.
خوفى منك لما
عينيى يوم.
تشوفك تنسحر.
يصيبها بريق
لنورك تنبهر.
خوفى منك.
إنك جميله.
ومستحيله. 
و مشكله.
عندك فضول.
فى كتيره
أسأله.
كنت فين
جيت منين.
معلله.
تودي فكري
فى التوهان.
مضلله.
خوفى منك .
إحترازى.
لإبتزازى.
إنهاك لطاقتى.
وإحتمالى.
وإعتلالى.
وحرق أعصابى
وإنفصالى.
خوفى منك.
أبعد حدوده. 
إحتمالى.
مش ببالغ.
أو تبالي. 
أو بغالي.
أو تسالي.
ودا تمامى.
وآخر كلامى.
وليك قبل
ما أنسى تحيه
من قلبى
وسلامى.
2/4/2021
ترنيمات وخواطر.بقلم)
خيرى حسنى..............)
ـــــــــــــــــــــــــــــــــــــــــــــــــــــــــــــــ
قصيده بعنوان
(صباح الخير؟!)
صباح الخير على.
إمبارح وعلى بكره
وعلى اليوم.
فجأه صحيت.
من النوم.
صحيت والدمعه
مخنوقه.
فى عينيى
وعلى راسى كوم
هموم.
قولت ليها.
أنا تعبان.
كالعاده.
وإحساسى بجبل
طابق على
صدرى.
وقلبى مصاب
بخفقان.
وأنفاسى مش
مرتاحه 
وكأنى بدور فى
حلقه مقفوله.
وإشبعت حواليها.
دوران.
ووصلة كهربة
عقلى مقطوعه
والدنيا وخدانى.
فى سكتها
وأنا تايه مش
شايف فيها
أمان. 
ماشى بحسس
على طريقى.
خايف أكون
أعمى أو ماشى
فى التوهان.
راكن بإيدى.
على خدى.
وشارد بفكرى
لذكرى زمان.
أيام كان ياما
كان. والحب
تمنه فدان.
والورقه إل كانت
مكتوبه للعشيقه
والحبيبه.
إسمها جواب
مش النهارده
بيان.
والفرحه محسوده
وكل إل فينا
أحزان.
قالت لي
كعادتها مالك
فيك إيه
شايل هموم الدنيا
على كتفك
إتركها للرحمن.
وإفتكر إزاي
علم عصفور
صغير فى عشه
بعد ما طلع
ريشه طيران.
ورزق دوده
فى حجر
صوان.
صلى على
النبى وقول
الحمد لله
إن الرزق
مش بإيد
إنسان كان
إتحكم وبطش.
ورحنا فى
خبر كان.
قولت ليها.
وماسك أعصابى.
بالعافيه بقلك
أنا تعبان.
وكل حاجه
متكركبه.
مش متعدله
بميزان.
الواطى أصبح
عالى.
والعالى عقله
جنان.
فين قعدة
المصطبه وحكاوي
عمك جحا.
أصبحنا فى
الغليان.
تروسنا أكلت
بعضها.
أجسادنا متهمده.
منتظره للأكفان.
قالت بصوت
هادىء وهمسه
منها حنينه.
قوم صلي لله
ركتعين وإرضى
بالمكتوب.
وأشكره وأصبر.
الصبر أحسن
دواء بيطيب
التعبان.
15/4/2021
ترنيمات وخواط.بقلم)
خيرى حسنى.............)
ـــــــــــــــــــــــــــــــــــــــــــــــــــــــــــــــ

قصيده بعنوان
(بالسلامه.؟!)
إذا كان دا
شئ هايرحك.
فمع السلامه.
وسيب قلبى
مع آلامه يشتكى.
ما تركت فيه
مليون علامه.
ومليون وجع
غيرالأنين.
وغيرالعذاب.
وغير نار
ما بتنطفيش.
حرمتنى من كل
شئ  أبسط
حقوقى
ضحكه حتى
أو إبتسامه.
فمع السلامه.
إكفايه صد.
وهجر وحرمان
مابينتهيش.
سبحان الله
فى حكمته.
مظلومه وديما
ملامه والعيب
في أنا.
ولسانى فالت
لجامه.
وإنت الحمامه.
للسلام.
والمحبه.
وإنى الشيطان
إبن الشيطانه.
مع إنى طيب
من أصل طيب.
وأهلي ناس
كويسين
بس إنتى تعودتى
على البذاءه.
والإهانه. 
مع السلامه.
إذا كان دا
شئ هايرحك.
لكن إنسى
ذكرى كنت
فيها معاك
يوم. وكنت
شيلك فى
نن عيني
مع إنك كنت
محملانى
كتير هموم.
وكتير سواد.
وكتير مرار
وكلام سموم.
فمع السلامه
وإتذكرى هايجيك
يوم.
وهايرد ربك.
نيابة عنى.
من الصاع
صاعين.
وديما يا جنس
حواء.
على أمركم
من إبن آدم
مغلوبين.
ومساكين
وطيبين.
مع إنكم
تعابين ناعمه
متلونين.
وإحنا بس
المذنبين.
الغدر أبسط
شئ عندكم
وفاكرين إنكم
عنه معصومين.
مع السلامه
إزهقت أصلا
من الحكايه كلها.
وإزهقت أحكى.
وإزهقت أقول.
كل مره عشان
أصالحك على
حاجه تافه
أبعت رسول.
الحب ملعون
أبوه.
وملعون سيرته.
وبالآخر
أبقى عزول.
ووحيد أعيش.
فى السنه.
الأربع فصول.
حرمت أكون
فى مدرستك.
طالب قبول.
وأقدم ليك
إستماره وكوم
ورق.
فرض ومثول.
فمع السلامه.
إذا كان دا
شئ هايرحك .
أبسط حلول.
8/4/2021
ترنيمات وخواطر.بقلم)
خيرى حسنى..............)
ـــــــــــــــــــــــــــــــــــــــــــــــــــــــــــــــ

زائرنا الكريم : رجاءآ لاتنس الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*