في أي ملة؟
تقبل إزاي إنك تكون
سبب صرخة أو آهة
أو حرقة قلب أم
على ابنها بتشق
جواها حلم شايفاه
يوم يكون ضهر وسند
والنهارده بيتقتل
قدام عنيها
ولا قادرة حتى تنقذه
أو تبعده ولا حتى
ترجعه جوا حشاها
يمكن يعود من جديد
ما دا الوليد
اللي ياما رجليها عليه حفت
عشان تجيبه
وإنت النهارده وبكل خسة
بتقتله طب كنت سيبه
سيبه يفرح قلبها
ولا يبقى ضلها
ولا عكاز تتسند
يوم عليه
إنت إيه
بأي ذنب وفي أي ملة؟
بتستحل دمهم
إنت راضع حقد وغباوة
متربي على كره البشر
مستحيل تكون بشر
إزاي تفجر ف البيوت
والمصانع والمدارس
عمال بتهدم ف الجوامع
والكنايس
في أي حته بتحل فيها
بيحل وياك الخراب
ما أنت بوم
إنت للبين الغراب
أي مكسب
يسوى
طفلة عمالة تلعب
وف أمان وسط الجناين
حاضنة عروستها بإيدها
والضحكة صافية مالية
المكان
كل دا وف لحظة واحدة
بيتسرق
وتسيهاأشلاء بتنزف
كل حتة في تجاه
إنت إيه معجون
من نار وشر
ولا أنت حاطط
إيديك فوق البشر
بيروت بتنزف
من غدر صابها
هي النهارده
واحنا بكره
وغيرنا يمكن
كان سابقها
لو مش هانصحى
من سبتنا
ونسلسل بقوة
كل خوفنا
وتبقى هي
الضربة واحدة
وف المواجهة
لنعيش في عزة
وكرامة
أو نموت أبطال
ما تعرف تطاطي
أو تدوق للذل كاس
لاتنس الاعجاب بصفحتنا عبر الفيس بوك لمتابعتة كل جديد وايضا من اجل التواصل معنا بشكل مباشر ومستمر.
تابعيمكنك الان متابعتنا عبر جوجل بلاس وارسال مقترحاتك وايضا حتى يصلك جميع الموضوعات الحصرية فور نشرها.
تابعتواصل دائما مع اصدقاء يشاركونك نفس الاهتمامات وذلك من خلال متابعة صفحتنا الرسمية عبر تويتر.
تابعيسعدنا أن تكون احد افراد عائلة ومحبى قناة رؤيا للمعلوميات وذلك عن طريق الاشتراك فى قناتنا على اليوتيوب.
تابع