حبيتك بس من قلبى
مكنتش عارف ان انتى
قصيدة وهم بكتبها وبرددها
وبغنيها فى سمى عشقى
ولاالشمس الى شيلالك
خيوط دافيه بحروف اسمك
هتبقى فى يوم من الأيام
سحابة صيف مجرد طيف وهيعدى
انا الى مكنت بسمح يوم
لغيرك يعتلى عرشى
خدعتى القلب بس ازاى
قدرتى على القلوب تمشى
قدرتى ازاى تبيعى الوهم
طليتى الوهم لون غشى
ورغم الزيف فى لحظة ضعف
حبيتك أيوه منكرشى
وغنتلك أغانى الحب
سبلتك على رمشى
وعينى كنتى ليها الضى
نقشتك بسمه فوق وشى
شربتك خمرة فى كاسى
ولسه عقلى مسكرشى
أتارى الخمرة مغشوشة
وانا بشرب محستشى
حسبت الحسبة مغلوطه
وانا بحسب ومعرفشى
أتارى الحب ده أعمى
عمانى العشق مدرتشى
لاكان الكاس مليه خمرك
ولافى الأصل كان كاسك
ولاعمرك ماكنت انتى
يدوب كتبت لك سطرين
نهيت مشهد فى قصيدتى
شكرا لك .. الى اللقاء
*
*
لاتنس الاعجاب بصفحتنا عبر الفيس بوك لمتابعتة كل جديد وايضا من اجل التواصل معنا بشكل مباشر ومستمر.
تابعيمكنك الان متابعتنا عبر جوجل بلاس وارسال مقترحاتك وايضا حتى يصلك جميع الموضوعات الحصرية فور نشرها.
تابعتواصل دائما مع اصدقاء يشاركونك نفس الاهتمامات وذلك من خلال متابعة صفحتنا الرسمية عبر تويتر.
تابعيسعدنا أن تكون احد افراد عائلة ومحبى قناة رؤيا للمعلوميات وذلك عن طريق الاشتراك فى قناتنا على اليوتيوب.
تابع