بوعريشة كريمة

قصيدة ( مين ده إللي يقدر يحب عليكي) من ديوان سندريلا

مين ده إللي يقدر يحب عليكي

كيف وروحى متعلقة بدمعة حزن لو سالت من عنيكي ..

أنا إللي فى الدنيا بعمره .. لو من الزمان وقت الخطر يحميكى ..

فصيلة دمى هى إسمك .. ونبض القلب مرهون بلمسة من إديكي ..

وتيجى تقولى بتحب عليا .. مين ده إللى يقدر يحب عليكي ..

بلمس كفوف القمر يا بيضا لما إديا بتلامس كفوفك

بحس جوايا بخوف لو غبتى لحظة من غير ما أشوفك

أنا إللي عاجنك وخابزك بعرف كلامك من قبل ما تطلع حروفك ..

وتيجى تقولي بتحب عليا .. مين ده إللي يقدر يحب عليكي

إتدلعى أيوه عليا .. يا أم الجمال فتان ..

مر الزمان بينا .. ولسه لهفتي بركان ..

ندى شفايفك عسل .. بدوق منها من كل الصنوف ألوان ..

وتيجى تقولي بتحب عليا .. مين ده إللي يقدر يحب عليكي ..

أشعار /// محمد راشد عبد المعطي

زائرنا الكريم : رجاءآ لاتنس الاشتراك بقناتنا تشجيعآ لنا لتقديم الافضل وحتى يصلك كل جديد

  

شكرا لك .. الى اللقاء 

*

*