احنا ولاد البطة السودة
و انتو ملايكة هذا الكون
وقت غلطكم احنا القودة
و انتم فوق مننا راكبين
فكركوا راقى و لو شخابيط
و فكر زويلنا عندكوا طين
لما بنطلب الف جنيه
لاجل م نبنى مش سامعين
و انتو تشاوروا بطرف العين
راح يتعد ليكوا ملايين
لما تقولوا امركو نافد
و ان كان حتى كلام مجانيين
و لو اتكلمنا بقول لقمان
يبقى كلامنا حداكوا عقيم
احنا بنزرع و نشقى و ندفع
وقت الجنى انتوا القاطفين
كل الناس حداكوا مداس
و انتو الصفوة و مش صافيين
تزرعوا شوك اعجاز علمى
من اعلام الطبالين
و لو قمنا بفسخ الذرة
يبقى عملنا وحش و مشين
انتوا القوة و العضلات
و سب الخلق فى عرفكوا دين
و اللى يفكر يعرض بيكم
يبقى كانه سب الدين
و اللى فى حب بلاده نقدكم
يبقى ارهابى خاين و عميل
خدتوا المنصب خدتوا المال
و لكل الابواب فاتحين
و اللى يحاول يعلى بدونكم
يبقى حرامى م الفاسدين
احنا ولاد البطة السودة
و انتو ملايكة هذا الكون
لاتنس الاعجاب بصفحتنا عبر الفيس بوك لمتابعتة كل جديد وايضا من اجل التواصل معنا بشكل مباشر ومستمر.
تابعيمكنك الان متابعتنا عبر جوجل بلاس وارسال مقترحاتك وايضا حتى يصلك جميع الموضوعات الحصرية فور نشرها.
تابعتواصل دائما مع اصدقاء يشاركونك نفس الاهتمامات وذلك من خلال متابعة صفحتنا الرسمية عبر تويتر.
تابعيسعدنا أن تكون احد افراد عائلة ومحبى قناة رؤيا للمعلوميات وذلك عن طريق الاشتراك فى قناتنا على اليوتيوب.
تابع